Uztailaren 28an hasi eta abuztuaren 28ra bitartean, Auzotegin Iturriapurria Ludotekak ateak irekiko ditu. Astelehenetik ostegunera Txantreako gazteak ekimen ugariz gozatzeko aukera izanen dute. 

Txikienak Auzotegin bilduko dira eta gaztetxoak Andere Txokoan. Guztira 3 urtetik 10era bitarteko 75 umek izena eman dute. Egingo dituzten ekimenen artean Takonera parkera txangoa, egun pasa Etxarri Aranatzen, eskulanak, jolasak eta kantak izango dira. 

Begirale izateko eskaintza

Iturriapurria Ludoteka hamar urte baino gehiago daramatza martxan. Epe luze honetan hainbat fase bizi izan ditu eta urte hauetan zehar asko dira hemendik pasatako umeak. Hori dela eta, Iturriapurria Ludoteka begirale berriak bilatzen dabil, umeekin jolastu eta ondo pasatzeko. Interesa duen orok Auzotegitik pasatzea besterik ez du egin behar ludotekaren ordutegian (goizez).